Rreth një muaj më parë, në galerinë e Qendrës për Kulturë është themeluar teatri “Teuta”, i cili fillimisht mbajti konferencën e parë për media ku për opinionin shpalosi qëllimet e veta
Teatri “Teuta” do të dali këtë javë me shfaqjen e parë në gjuhën shqipe të titulluar “NANA”, shfaqje kjo e cila do të jetë në skenën e teatri për dy net me radhë. Shfaqja e parë në gjuhën shqipe në shtetin fqinj të Malit të Zi do të jetë me datë 16 dhe 17(të enjten dhe të premten) në orën 20:00. Aktorët të cilët do të performojnë në këtë shfaqje do të jenë: Vjosa Tasholli, Muho Uruçi, Anes Kurti, Albana Kurti Zeçeviq dhe Bashkim Alaj. Autor i kësaj shfaqjeje është Arlinda Morina me regji të Munib Abazi dhe asistente të regjisë Edina Mustafiq. Skenografia dhe kostumografia do të jetë nga Jetmira Hoxha, me muzikë të Ardian Hasanaga dhe me ndriçim të mundësuar nga Musa Hoxha.
Projekt i parë i këtij teatri, “NANA” pritet të përcjellë shumë emocione tek publiku vendas dhe i huaj qe do jetë prezent.
Ngritja e teatrit “Teuta”
Në konferencën e parë për media aktorët e këtij teatri shprehen se si qëllim primarë kanë ringjalljen e jetës teatrale dhe kulturore të qytetit. Drejtori i teatrit, Munib Abazoviq nëri me dije më herët se ky teatër është themeluar më tepër për brezat e rinj, për ato të cilët duhet të rriten në frymën artistike. Në kuadër të teatrit do të punojë staf profesionist i përbërë nga regjisorë, skenografë dhe kostumografë, si dhe aktorë të diplomuar, të cilët për publikun vendas dhe të huaj do të sjellin shfaqe kombëtare dhe ndërkombëtare të zhanreve të ndryshme.
Anëtarët tjerë të kryesisë siç janë: Muho Uruçi, Edina Mustafiq, Jetmira Hoxha, Bashkim Alaj, Albana Kurti Zeçeviq, Suad Bejta dhe Eliana Peku u shprehen më se të kënaqur që realizuan ëndrrën e tyre të fëmijërisë, realizuan që në fund dhe Ulqini dhe ulqinakët të kenë mundësi të njihen më nga afër me bukurinë dhe mrekullinë që sjellë skena.
Teatri “Teuta” ka pasur takime dhe me institucione publike, me komunën e Ulqinit dhe me Qendrën për Kulturë, me të cilët ka nënshkruar marrëveshje bashkëpunimi. Kryetari i Komunës, Nazif Cungu dhe drejtori i Qendrës për Kulturë Astrit Salaj shprehën gatishmërinë e tyre që ti ndihmojnë si nga ana financiare, ashtu dhe nga ana institucionale. Njëri ndër takimet që zhvilluan ishte ai me televizionin “Teuta” të cilët do ti mbështesin në rrugën gjatë zhvillimit të tyre.
Sipas organizatorëve dhe nismëtareve të parë të këtij teatri në gjuhën shqipe, Ulqini e ka pasur te domosdoshëm qe te kurorëzohet me teatër .
