Nga Ahmet Zani
Hallet nuk kanë të sosur në komunitetin e zonës së malësisë së Kurbinit. Përpos vështirësive infrastrukturore, përgjatë viteve, banorët po largohen nga fshati i tyre, ndërsa tregojnë për vlerat e kësaj zone mjaft të pasur. Mungesa e invetimeve, në infrastrukturë, po na detyron të braktisim banesat dhe tokat tona – kështu shprehen banorët e fshatit Gallatë dhe Vinjollë dy fshtara fqinjë dhe me harmoni fetare.
Dora e institucioneve ka munguar, ndërsa e vetmja shpresë për punësim dhe investime mbetet prej afro katër vitesh një banor vendas, i cili ka punësuar pranë kompanisë së tij nga një pjestar të çdo familje. Fitimtar Lala banor nga fshati Gallatë i cili ka emigruar prej 25 vitesh, ka sjellë optimizmin e humbur tek bashkëfshatarët e tij dhe disa fshatra nga malësia e Kurbinit. Të gjithë do të shprehen mirënjohës për Fitimtarin, për mirësitë e banorëve duke ju mundësuar punësim, dhe çka është më e rëndësishme investime për zonën.
Sapo është informuar për situatën e reshjeve të furishme që preken thuajse tërë vendin, ndërsa shkaktoj dëme të konsiderueshme dhe në malësinë e Kurbinit, duke dëmtuar disa ura dhe bllokuar në disa pjesë dhe rrugën nga rrëshqitja e dherave, Fitimtari do të fluturonte nga Amerika e largët, për t’ju ardhur në ndihmë komunitetit të tij. Disa mjete të vëna në dispozicion mundësoj të mbante një pjesë të rrugës të kalueshme. Problematike mbeten disa lagje në thellësi ku ende janë të zioluar nga terreni i thyer, kësisoj siç dhe tregojnë banorët është e pamundur një individ të mbulojë tërë zonën me investime konkretisht në situatën e përmbyetjeve. Duhet me doemos ndërhyrja e institucioneve, të cilët deri më tani kanë heshtur.
Teksa gjatë rrugës në mëngjes herët ende pa gdhirë mirë, fëmijet e shkollave presin mjetin për të udhëtuar drejt dijes në të tilla kushte siç dhe shfaqen në fshatrat e malësisë së Kurbinit.
E tillë është situata në këtë zonë e cila kosiderohet turistike gjatë stinës së verës, ndërsa mungesa e investimeve po largon gradualisht banorët.
