Ish- deputeti i PS, Arben Malaj i është përgjigjur ministrit Ahmetaj lidhur me debatin për pensionet si dhe me premtimin e këtij të fundit që do të rriten dhe nuk do të ulen.
Përmes një postimi në Facebook, Malaj thotë se pensionet nuk mund të rriten pasi parashikohet recesion ekonomik por nëse bëhet duke rritur borxhin atëhere është grabitje.
STATUSI I ARBEN MALAJT
Do i rritim patjetër pensionet?! Nga cili burim i të ardhurave? Pasi parashikohet recesion ekomomik dhe rënie 5.2% e GDP-se dhe një rënie drastike e të ardhurave buxhetore, burimi i rritjes së pensioneve mbetet rritja e deficitit dhe borxhit publik. Nqs rritja bëhet nga rritja e borxhit, kjo është grabitje jo rritje. Prandaj ky debati për pensionet është në thelb populist, që jo vetëm nuk e zbut krizën por rrit pa qartësitë dhe zgjat atë. Qeveria premtojë se do të ulte borxhin deri në 45% të PBB-së.
Ky premtim rezultoi jo profesionale dhe demagogjik. Banka Boterore identifikon tre vështirësi në përballjen e Shqipërisë me Covid-19. E para nuk ka hapësira monetare dhe fiskale. Pra kriza e gjeti vendin tonë me nivele shumë të ulta te kostot së parasë dhe me borxh publik të lartë. E dyta- BB I vlerëson kritike kostot e PPP-ve. E treta BB paralajmëron për borxhe të qeverise ndaj biznesit. Është rënë dakort që kostot shtesë të përballimit të Coronavirusit të ””tolerohen” por ato të fonancohen kryesisht me kredi të buta.
Qeveria dhe parlamenti duhet të fokusohet tek strategjia antikrizes. Kur të dalim nga kriza mund të diskutohet për strukturat e paketës së rikthimit të rritjes ekonomike, uljes së papunësisë dhe varfërisë dhe rikthimit të stabilitetit të financave publike. Çdo diskutim për rritje apo shkurtim shpenzimesh ngjan më shumë me një situatë tragjiko-komedi se sa një strategji efikase. Mbivendosja e prioriteteve dëshmon lidership të pa fokusuar dhe për pasojë edhe jo efektiv në sektor të rëndesishëm të saj. Ditë të mbarë! Arbeni
