Ish-ambasadori shqiptar në Britaninë e Madhe, Mal Berisha ka reaguar lidhur me shembjen e Teatrit, ku fadromat kanë filluar shembjen e dy godinave të Teatrit prej orës 04:30.
Përmes një video, ish-ambasadori shprehet se me prishjen e Teatrit nuk kanë shkatërruar thjeshtë një godinë kanë shkatërruar diçka nga ne të gjithë.
“Të dashur fëmijët e mi, miqt e mi, familjarët e mi, shokët e mi, bashkëatëdhetarët e mi, bashkëpunëtorët e mi, njerëzit që kemi kaluar shumë vite bashkëpër të njëjtat ideale për një Shqipëri të bukur. Jam zgjuar sot me një lajmë të shembjes së Teatrit Kombëtar, për mua kjo është ngjarja më e rëndë që kam përjetuar ndonjëherë në jetën time. Në vitin 1971 e deri në vitin 1975 nuk ka javë muaj ose vit që unë mos kem shkuart në atë teatër.Në atë teatër që kam ndjekur aktorët më të mëdhenj të kombit tonë, Kujtim Spahivoglin, Naim Frashërin, Kadri Roshin, Robert Ndrenikën e sa e sa emra të tjërë të mëdhënj, të cilët i kanë dhën nder dhe lavdi artit tonë skenik. Aty kam parë vitin 61 kam parë sa e sa vepra drama dhe vepra të Shekspirit. Aty kam parë vitin 61 kam parë sa e sa vepra drama dhe vepra të Shekspirit dhe autorëve të tjërë të letërsisë botërore. Kam ndenjur në rradhë për bileta, nga ora 7 e darkës deri në 7 të mëngjesit. E kam parë atë si një nga shenjat e kulturës sonë kombëtare. Një dorë barbarësh, të cilët e shkatërruan sot atë. Në fakt nuk kanë shkatërruar thjeshtë një godinë kanë shkatërruar diçka nga ne të gjithë. Kanë shkatërruar bash atë esencën e cila e mban një kombë të gjallë, e bën një kombë krenar. Ata vranë krenarinë tonë. Ata vranë shpirtin tonë dhe do vrasin çdo ditë siç e kanë vrarë që kur ishin veprimet e tyre anti shqiptare. Nuk arritëm dot ta shpëtonim teatrin, as me penë, as me qëndresë dhe as me fjalë. Mesa duket edhe Shqipërinë sdo mund ta shpëtojmë nga këta vandal, nga këta kriminelë nga kta njerëz që zot dhe perëndi nuk e kanë Shqipërinë siç na kanë mësuar rilindasit por një rilindje tjetër, rilndjen e krimit.”, u shpreh Mal Berisha.
