Një aksident është regjistruar mëngjesin e sotëm në Elbasan, ku një taksi është përplasur me një autoveturë tjetër në aksin e rrugës kombëtare Elbasan-Rreth Rrotullimi i Bradasheshit.
Për pasojë, të dy automjetet janë dëmtuar pjesërisht, ndërsa është plagosur lehtë një person. Burime nga vendngjarja bëjnë me dije se autovetura e shërbimit taksi ka goditur nga pas automjetin tjetër në ecje.
Deri më tani nuk dihet identiteti i personave të përfshirë në aksident. Policia ka mbërritur në vendngjarje dhe po punon për zbardhjen e shkaqeve të aksidentit.
