Një aksident është regjistruar pasditen e sotme në aksin rrugor Shkodër-Koplik. Një automjet që drejtohej nga D.P. vjeç 29 vjeç ka humbur kontrollin duke u përplasur me murin e një biznesi.
Për pasojë kanë mbetur të dëmtuar katër pasagjerët, pjesëtarë të së njëjtës familje të cilët për fat të mirë janë jashtë rrezikut për jetën.
Ambulanca dhe forca e policisë ndodhen në vendin e ngjarjes dhe po punohet për të zbardhur shkaqet e saj. Ky është aksidenti i dytë brenda vetëm pak ditësh në këtë aks rrugor.
