Majlinda Bregu ia ka dalë të fitojë një detyrë kaq të rëndësishme në hiearkinë e Bashkimit Europian, duke u bërë e para politikanë shqiptare që merr një detyrë kaq të lartë në strukturat europiane dhe kyç në rajon. Ajo ka mundur konkurrencën shumë të fortë të vendeve sllave të Ballkanit.
Ja komunikimi i Majlinda Bregut për publikun:
Fituam!!!
Unë fitova garën, por fitorja i takon vendit tim!
Faleminderit të gjithëve që besuan dhe më votuan për pozicionin e Sekretarit të Përgjithshëm të Këshillit të Bashkëpunimit Rajonal.
Mirënjohje të gjithëve, vendeve anëtare, institucioneve shqiptare, Komisionit Europian, EEAS (Shërbimi i Jashtëm i BE), Parlamentit Europian, familjes time politike EPP, e mbi të gjitha vendeve që votuan bindshëm kandidaturën time.
U përpoqën të gjithë, me qartësinë se drejtimi prej meje i këtij institucioni do të ishte fitore e Shqipërisë dhe shqiptarëve!
Jam e nderuar sot që për herë të parë më takon mua të drejtoj si e para shqiptare në një pozicion të lartë ekzekutiv, institucionin që ka si mision fuqizimin dhe rritjen e bashkëpunimit në vendet e Europës Juglindore!
Një falenderim miqësor për Ditmirin. Na ndajnë sinoret politike, por na bashkoi qasja europiane dhe përpjekja për të punuar pro Shqipërisë!
E di që do të jetë një sfidë e vështirë, por nganjëherë e vështira është më e mira!
