Deputetja demokrate ka reaguar pas kumtit se në orën 18.30 mblidhet grupi parlamentar i PD-së. Ajo ka shprehur një falenderim për ata që e kanë mbështetur atë në “këto orë të vështira”. Por, ka shprehur edhe keqardhjen për koloninë ndëshkimore që u ngrit ndaj saj dhe kolegëve të saj Selami, Topalli.
Më poshtë mesazhi i saj i plotë për demokratët:
“Faleminderit të gjithë atyre që më mbështeten pas alarmit tim në këto orë të vështira.
Faleminderit për miqtë e PD-së dhe Familjes së Djathtë Europiane…..
Mirëkuptim për ata që thanë ke të drejtë, por fole vonë.
Keqardhje për këdo që nuk la llaf pa thënë nga fyerjet personale deri tek shpallja armik, meqë guxoj e them lirshëm atë që mendoj se duhet të ndodhe në PD.
Rëndësi ka që sot mblidhet pas një kohe që s’mbahet mend grupi ynë parlamentar.
Uroj që arsyeja dhe interesi i Shqipërisë dhe demokratëve të vërtetë të dalë mbi inercinë e një rruge që mund të kthehet në një tatëpjetë pa kthim për partinë time, për partinë më të mirë të historisë së Shqipërisë!”
