Ministri i Shtetit për Diasporën, Pandeli Majko ishte i ftuar në emisionin “Përballë” të gazetarit Lutfi Dervishi, ka zbuluar arsyet që sipas tij pengojnë lëvizjen e lirë të mallrave mes Shqipërisë dhe Kosovës.
“Pas nesh qëndrojnë bizneset dhe bizneset na thonë “prit, kujdes, mos hap kufirin, se më duhet mua koncesioni atje, mos ma hap kufirin se më ul mua çmimin e mallrave, nuk më duhet mua politika, se më intereson më mirë të hyjë malli nga ky drejtim se sa nga ai drejtim. Pavarësisht se duket sikur po qeveris politika, gjithmonë e më tepër rregullin po e vendos biznesi”, tha ministri Pandeli Majko.
