Sapo ka filluar nata e dytë e festivalit “Kënga Magjike 2019” nën drejtimin e moderatorit të njohur, Ardit Gjebrea me bukuroshen shqiptare Adrola Dushi.
Festivali ka filluar me një kolazh të shkurtër nga përgjigjet dhe reagimet e anëtarëve të jurisë ndaj konkurentëve Junior në këtë festival, gjë që ka ngjallur të qeshura tek të gjithë spektatorët.
Ndërkohë gazetari Enkel Demi, njëri nga anëtarët e jurisë së këtij viti, ka postuar një foto në rrjete sociale në të cilën të gjithë anëtarët e jurisë duken të magjishëm.
“Kur dëshiron t’ua vjedhësh Magjinë të tjerëve që ke afër”, shkruan Demi në Facebook.
Kujtojmë që të ardhurat nga shitja e biletave të Këngës Magjike 2019 me misionin “Këndo për të ndërtuar” do të shkojnë për familjet e prekura nga tërmeti i 26 nëntorit, ku humbën jetën 51 persona e u plagosën qindra të tjerë.
