Mediat britanike po zbulojnë herë pas herë të dhëna nga rrjetet e drogës dhe mafias shqiptare në Angli. Së fundmi, gazeta britanike Daily Mail ka bërë një investigim për mafian shqiptare. Së fundmi autoritete britanike kanë zbuluar së fundmi një shtëpi bari në zonën e Hartlepool. Në pranga u vu një 22-vjeçar shqiptar.
E përditshmja britanike e përshkruan banesën me një pamje të zymtë, me dritare të thyera, prona ndodhet në një zonë të izoluar. Që nga 2015, prona është marrë me qira nga 9 persona të ndryshëm dhe çdo herë që janë ndërruar, policia ka gjetur kanabis. Këtë javë në shtëpinë e barit u gjetën 75 bimë me një vlerë prej 61 mijë paundësh, pothuajse sa dyfishi i vlerës të të gjithë pronës. Policia arrestoi 22-vjeçarin Ferbent Hoxha, një emër i njohur ky për autoritetet britanike.
Në vitin 2019, Ferbent Hoxha, 22 vjeç, është dënuar me tre vjet burg për drejtimin e një ferme kanabisi në një adresë në Derby. Droga me vlerë 140,000 £ është gjetur në një banesë me 6 dhoma. Edhe pse vetëm 19 vjeç në atë kohë, Hoxha, i cili kishte qenë në Mbretërinë e Bashkuar ilegalisht, kishte pasur një ‘rol të rëndësishëm’ në operacionin e sofistikuar’ të kanabisit.
