Një aksident i rëndë ka ndodhur në Lushnje ku si pasojë kanë mbetur të plagosur tre persona.
Mësohet se në zonën e quajtur Rotondo e Plugut, një makinë tip “Reno Clio” është përplasur me trafikndarësen dhe ka dalë nga rruga duke përfunduar disa metra poshtë saj.
Në mjetin e përfshirë në aksident udhëtonin tre persona, 1 burrë rreth të 30-ave dhe dy vajza, 30 dhe 16 vjeç, por emrat e tyre nuk janë bërë ende të ditur.
“Djali është në gjendje shumë të rëndë, por edhe dy vajzat kishin pësuar lëndime të mëdha. Kishin dalë komplet nga rruga madje disa metra larg. Erdhi ambulanca dhe i mori të tre, shpresoj të mos jetë shumë serioze dhe të mos humbasë jetën asnjëri”,- shprehet një dëshmitar nga vendi i ngjarjes.
