Një ngjarje e rëndë ka ndodhur mbrëmjen e djeshme ne Lushnjë, ku dy persona kanë tentuar të vrasin me thikë një 36-vjeçar, duke e qëlluar mbi 10 herë në trup. Policia e Lushnjës bën të ditur se pas ngjarjes ka mundur të arrestojë një prej autorëve, Arjan Aliço 53 vjeç i dënuar më parë për vrasjë, ndërsa shpalli në kërkim bashkëpunëtorin e tij Xh.A 24 vjeç edhe ky i dënuar më parë për tentativë vrasje.
“Këta shtetas në bashkëpunim me njèri-tjetrin, pas një konflikti për motive të dobëta, më datën 11.06.2016 rreth orës 19:15, në lagjen “Skënder Libohova” kanë tentuar të vrasin me thikë dhe sende të forta duke e goditur mbi 10 herë shtetasin J.S, 36 vjeç, banues në Karbunarë e Madhe”, informon policia.
I plagosur aktualisht ndodhet në spital në gjendje kritike për jetën, ndërsa nuk dihen ende rrethanat e kësaj ngjarje. Materialet do i kalojnë Prokurorisë pranë Gjykatës së Shkallës së Parë Lushnje për veprën penale “Vrasjes e mbetur në tentativë e kryer në bashkëpunim” parashikuar nga Nenet 76, 22 dhe 25 të Kodit Penal.
