Një foshnje tre muajsh i ka shpëtuar mrekullisht një aksidenti rrugor në aksin rrugor Lushnje-Berat.
Mësohet se babai i foshnjes Viktor Toska po drejtonte makinën në gjendje të dehur kur është përplasur me një furgon që udhëtonte nga Kuçova dhe ka pëfunduar në kanal.
Toska ishte grindur me bashkëshorten dhe ishte larguar nga shtëpia në fshatin Kumarak të Beratit, duke marrë me vete beben e sapolindur.
Policia dhe zjarrfikësit ndërhynë në kohë për të nxjerrë nga mjeti 43-vjeçarin së bashku me foshnjën, e cila ndodhej në pjesën e sediljen e pasme të pasagjerëve, i futur në një shportë bebi. Babai dhe foshnja ndodhen në spitalin e Lushnjes, jashtë rrezikut për jetën.
