Gjatë një takim edhe me fermerët e Lushnjës, kryetari i PD, Lulzim Basha tha se qytetarët janë të revoltuar, pasi nuk kanë asnjë përkrahje, asnjë subvencion dhe asnjë investim publik në bujqësi e infrastrukturë.
Basha tha se për të tretin vit fermerët nuk kanë arritur të shesin dot prodhimet dhe kanë fituar vetëm sa për të mbijetuar.
“Fermerët kanë nevojë për një qeveri që punon për ta, që u jep hapësirën dhe lirinë në treg, që i mbështet me investime dhe infrastrukturë”, ka thënë më tej Basha.
“Le të ngrihemi bashkë më 18 shkurt për të ngritur zërin për zgjedhje të lira dhe të ndershme, që të sjellin një qeveri të përgjegjshme që punon për bujqit, blegtorët dhe të gjithë njerëzit që punojnë ndershmërisht”, tha Basha.
