Lul Berisha i është drejtuar Gjykatës Kushtetuese, ku i kërkon prishjen e vendimit të Gjykatës së Lartë, për heqjen e lirisë me kusht, dhe kthimin e tij ne burg. Nga arratia Berisha kundërshton ketë vendim si antikushtetues, dhe kërkon lënin në fuqi te vendimit të shkallës së parë e cila e liroi ish kreun e bandës së Durrësit nga burgu.
Lul Berisha u dënua me 25 vite burg për disa vrasje në qytetin e Durrësit të ndodhura në periudhën 1998-2004. Ai u lirua me kusht 6 vite përpara se ti mbaronte dënimin me argumentin se e kishte kryer gjysmën e dënimit dhe se ishte rehabiliutuar.
Prej një viti është në arrati, pasi gjykata e posaçme ka caktuar ndaj tij masën e sigurisë arrest me burg, për akuzën e vrasjes së Klodian Salliut, ngjarje e ndodhur në vitin 2005.
