Lidhur me situatën e krijuar nga përmbytjet në mbarë vendin, Kryetari i Partisë Demokratike Lulzim Basha ka zbritur në terren, ku ishte në Kamëz.
Basha theksoi se në ndihmë të këtyre banorëve ka shkuar vetëm një makinë ushtrie për 11 persona në rrezik.
Gjithashtu kreu i opozitës ka apeluar për evakuim të banorëve që u rrezikohet jeta ndërkohë që ka ofruar ndihmë.
Reagimin e tij për situatën dhe vizitën në Kamës, shefi i opozitës e bëri përmes një postimi në Facebook
“Inkurajova kryebashkiakun Xhelal Mziu të bëjë gjithçka për t’u ardhur në ndihmë banorëve me mjetet që ka në dispozicion. Zoti Mziu më tha se eskavatorin që i takonte me vendim qeverie, ia ka marrë Bashkia e Tiranës. Deri tani, në zonë ka shkuar vetëm një makinë ushtrie për 11 persona në rrezik. Megjithatë, i kërkova zotit Mziu dhe banorëve që takova, që të kenë prioritet evakuimin e qytetarëve”, shkruan Basha në reagimin e tij.
