Kryetari i PD, Lulzim Basha, ka deklaruar që protesta do të vazhdojë, derisa të sigurohen zgjedhjet e lira e të ndershme.
Nga çadra në bulevardin “Dëshmorët e Kombit”, Basha u ka shprehur mirënjohjen e tij të rinjve të pranishëm në këtë protestë, duke i falenderuar për vendosmërinë e tyre. Më pas, Basha ka theksuar se Shqipëria nuk do të jetë kurrë më kjo që ka qenë deri më sot.
Basha ngulmoi që qeveria teknike është vetëm “stacioni i parë” i kësaj lëvizjeje të opozitës.
“Ne jemi të vendosur për ta hedhur nga themelet këtë qeveri të kalbur e të korruptuar. Ne nuk tërhiqemi deri në fitore. Ne kemi një model europian dhe ju mos kërkoni asgjë më pak se ky model. Shqipëria që po vjen është Shqipëria juaj dhe do të jetë në duart tuaja. Asgjë nuk do të jetë më si më parë”, u ka thënë Basha të rinjve të pranishëm.
