Arben Llalla, publicist, njohës i çështjes greko-shqiptare thotë se lista e sotme e Partisë Demokratike ka ardhur edhe si fryt i takimeve që Lulzim Basha i kreu në Shtetet e Bashkuara me lobin greko-amerikan, i shoqëruar nga “himariotët” që janë drejtues të lartë të këtij lobi të tërbuar antishqiptar.
Pas takimit me grekët e Amerikës, Basha vazhdoi takimet me lobin shqiptaro-amerikan. Vizitën në Amerikë Lulzim Basha e përfundoi në zyrat e lobit greko-himariot, ku ju kërkua nga kryetari i këtij lobi, At Kozma Karavellas ndërtimi i Kishës së Madhe në majë të Llogarasë për nder të Shën Kozma Etolios, babai i greqizmit siç njihet në historiografinë greke. Fondet për ndërtimin e kësaj kishe në majën e Llogarasë, tashmë janë mbledhur.
Gjatë dy takimeve me lobin greko-amerikan, Lulzim Basha është shoqëruar nga deputeti Gent Strazimiri. Këto takime nuk lënë më vend për shumë dyshime, duke patur parasysh se për mediat shqiptare, Basha ka kryer tradhti kombëtare për marrëveshjen e kufirit detar në vitin 2009.
Ndërsa, në vitin 2006 në mediat greke Lulzim Basha u përfol për një aferë dashurie me deputeten greke të Demokracisë së Re, Eleni Rapti.
Gazeta “Trafik” e quante flirtin dashuri ndërballkanike, nën tingujt e këngës së Panajot Psomiadhis (prefekt i Selanikut).
Kurse revista “Proto Thema” botonte foto duke e shoqëruar me këtë koment: “…ministrit riosh dhe biondes bukuroshe”.
Gazetarja greke, Ollga Gali, për flirtin i referohet momentit. kur në Selanik zhvillohej samiti i vendeve anëtare të Paktit të Bashkëpunimit të Europës Juglindore me pjesëmarrjen e ministrave të Jashtëm, të kryeministrave dhe të ministrave të transportit të dhjetë vendeve anëtare.
Në fund të shkrimit, revista greke “Proto Thema” shkroi edhe një sms drejtuar nga vetë redaksia ministrit shqiptar të Transporteve, Lulzim Basha, ku thuhej: “Dhen tha eqis tin Elena pote`, alvane, alvane!”. (Nuk do ta kesh Elenën kurrë, o shqiptar, o shqiptar!).
