Në një postim që ka bërë në rrjetet sociale, deputeti i Partisë Demokratike, Ervin Salianji, ka shpërthyer sërish ndaj Lulzim Basha, ku i ka kërkuar të japë dorëheqjen nga kreu i PD. Salianji, tha se Basha duhet ta shohë realitetin me sy ndërsa shton se nuk mund të marrë zvarrë të ardhmen. Ai shprehet se lufta e tij është ndaj demokratëve ndërsa shton se PD është aset kombëtar dhe jo personal.
“Lulzim Basha duhet të ikë! Megjithëse në këto orë po përpiqet të blejë kohë e të manipulojë duke u përgjëruar “edhe për një tjetër herë të fundit” e cila nuk ka fund, por po tenton të çojë PD drejt fundit! Ai thote qe “po lufton”, por u bënë 9 vite që luftojmë për të dhe e vetmja luftë e tij është lufta ndaj demokratëve! Duhet ta shohë realitetin në sy, ai nuk mundet më të marrë zvarrë të ardhmen që po bëhet e shkuar. Partia Demokratike është aset kombëtar jo aset personal! Si përherë me demokratët” – shkruan Salianji në Facebook.
Pas humbjes së thellë së PD në zgjedhjet e 6 marsit, Lulzim Bashës i kanë kërkuar që të largohet edhe Grida Duma, Agron Gjekmarkaj dhe Flutura Açka
