Ish-konkurrentja e “Për’puthen”, Sindi Loci, ka bërë së fundmi një bashkëbisedim virtual me ndjekësit e shumtë në rrjetin e saj social “Instagram”. Teksa fansat i kanë bërë pyetje të ndryshme, dikush i ka shkruar: “Ke shpirtin e Putinit. Atë përshtypje më lë”.
Sindi nuk ka përtuar që t‘i kthejë përgjigje, duke i thënë se mendon se “Putin është politikani më i zgjuar që kjo botë ka parë”.
“Nuk e di se në çfarë aspekti po i referohesh por megjithatë edhe pse jam shumë kundra çfarë Putin ka bërë me Ukrainën, dua ta pranoj që kam një adhurim të veçantë për një person si Putin. Mendoj se është politikani më i zgjuar që kjo botë ka parë”, përgjigjet Sindi.
Ndërsa në “sytory”-t pasardhës të Locit, duket se fansat e kanë kritikuar atë për deklaratën që bëri në lidhje me presidentin rus.
“Ti flet për ngjarjen e fundit se të vjen keq, këtej përkrah Putinin. Pse?”, shkruan një ndjekës i saj, të cilit Sindi i përgjigjet se nuk po e përkrah presidentin e Rusisë në luftën që po bën në Ukrainë, por thjesht ka një adhurim për zgjuarsinë e tij si politikan.
“Ju lutem mos keqinterpretoni fjalët që unë them. Unë nuk e përkrah Putinin për asgjë që ai po bën me Ukrainën apo çdo lloj krimi që ka marrë pjesë. Unë them kam një adhurim për zgjuarsinë që ai ka sepse sipas opinionit tim ai është treguar shumë i zgjuar në situata të ndryshme që do më duhej 3 story ti thoja se e kam ndjekur goxha. Dikush më shkruajti po ti përkrah Kosovën si thua Putini i zgjuar. Ku ishte Ukraina ku Kosova u sulmua?! Përkrahu Serbinë dhe Rusinë me trupa kundër Shqiptarëve të Kosovës… Akoma si njeh pavarësinë e Kosovës kështu që mos të hyjmë në tema të thella se dalim nga kodra në breg me muhabet”, shkruan ajo.
Kujtojmë se, Sindi Loci ishte konkurrente në Për’puthen sezonin e kaluar.
