Ministria e Energjisë në Ukrainë bënë me dije se më shumë se 742,000 qytetarë aktualisht nuk kanë akses në energji elektrike në të gjithë vendin.
Sipas ministrisë situata paraqitet më e rënduar në rajonin e pushtuar nga Rusia Donetsk, ku mbi 233,000 banorë janë “të shkëputur plotësisht” nga energjia elektrike, sipas burimeve të BBC.
Një përmbledhje e zhvillimeve më të fundit në ditën e 12 të pushtimit rus të Ukrainës, bëhet me dije se: Bombardimet ruse vazhdojnë të pengojnë evakuimin e civilëve nga qytetet e rrethuara, raporton Ukraina.
Sulmet thuhet se do të vazhdojnë pavarësisht një propozimi nga Rusia për të krijuar rrugë të sigurta shpëtimi nga Kievi, Mariupol, Sumy dhe Kharkiv. Ukraina e quajti propozimin “imoral” pasi shumë nga rrugët e liruara çonin civilët ukrainas në Rusi ose aleatin e saj në Bjellorusi.
Dhjetëra mijëra civilë mbeten të bllokuar pa energji elektrike dhe me pak akses në ushqim dhe ujë në qytetin e madh port të Mariupol. Dy përpjekje për t’i evakuuar ata në fundjavë dështuan pasi armëpushimet e planifikuara nuk u realizuan.
Rreth 2,000 njerëz kanë mundur të largohen nga Irpin, në veriperëndim të kryeqytetit Kiev, megjithtë bombardimet e vazhdueshme ruse.
Rusia dhe Ukraina kanë mbajtur një raund të tretë të bisedimeve të paqes, por pak thuhet se është rënë dakord. Një raund i katërt i bisedimeve do të zhvillohet nesër në Bjellorusi, sipas një negociatori nga Moska.
SHBA, Franca, Gjermania dhe Britania e Madhe janë zotuar të vazhdojnë të rrisin kostot ndaj Rusisë për pushtimin e saj “të pajustifikuar” të Ukrainës, thotë Shtëpia e Bardhë.
Udhëheqësit perëndimorë po kërkojnë gjithashtu më pak varësi nga furnizimet e naftës të Rusisë në të gjithë Evropën. Rusia thotë se refuzimi i naftës ruse do të ishte “katastrofik”
Çmimet e naftës janë rritur në nivelin më të lartë të 13 viteve për shkak të krizës.
