Megjithëse lufta në Gaza po bëhet përditë dhe më e përgjakshme, ku nuk ka aspak rëndësi sesa deklarohet se është numri i të vrarëve, por që më së shumti dhemb fakti që çdo ditë atje po humbin jetë njerëzish të pafajshëm, presidenti amerikan Biden është shprehur skeptik në lidhje me numrin e vitktimave që raportojnë autoritetet palestineze.
Biden tha të mërkurën, se “nuk ka besim në numrin që palestinezët po përdorin” për viktimat në Rripin e Gazës, ku Ministria e Shëndetësisë ka njoftuar se më shumë se 6.500 njerëz janë vrarë nga sulmet izraelite.
Biden u pyet gjatë një konference për shtyp në Shtëpinë e Bardhë nëse ai beson se numri i vdekjeve palestineze, i cili përfshin rreth 2,700 fëmijë, do të thotë se Izraeli po injoron thirrjet e SHBA-së për të kufizuar vdekjet e civilëve.
“Nuk kam asnjë besim që palestinezët po thonë të vërtetën se sa njerëz janë vrarë. Jam i sigurt që janë vrarë njerëz të pafajshëm dhe ky është çmimi i luftës”, u përgjigj presidenti amerikan.
“Izraelitët duhet të jenë jashtëzakonisht të kujdesshëm, të sigurohen që të përqendrohen në ndjekjen e njerëzve që po bëjnë këtë luftë kundër Izraelit. Dhe është kundër interesave të tyre kur kjo nuk ndodh ”, shtoi ai. “Por unë nuk i besoj numrit që përdorin palestinezët,” tha Biden, pa specifikuar pse.
Nga ana e tyre, palestinezët hedhin poshtë idenë se numri i të vdekurve në Gaza nuk është i saktë.
Në SHBA, Këshilli për Marrëdhëniet Amerikano-Islamike (CAIR) tha se ishte “thellësisht i shqetësuar” nga komentet e Biden për llogaritjen e Gazës dhe i bëri thirrje atij të kërkonte falje.
“Gazetarët kanë konfirmuar numrin e lartë të vdekjeve dhe video të panumërta që dalin çdo ditë nga Gaza tregojnë trupat e gjymtuar të grave dhe fëmijëve palestinezë,” tha në një deklaratë drejtori ekzekutiv i CAIR, Nihad Awad.
Gjatë konferencës së djeshme për shtyp, Biden akuzoi Hamasin se “fshihet pas civilëve palestinezë” në enklavën me popullsi të dendur, duke shkaktuar “një barrë shtesë për Izraelin ndërsa ai shkon pas Hamasit”.
Biden shtoi: “Izraeli duhet të bëjë gjithçka që mundet, sado e vështirë të jetë, për të mbrojtur civilët e pafajshëm”.
Megjithëse lufta në Gaza po bëhet përditë dhe më e përgjakshme, ku nuk ka aspak rëndësi sesa deklarohet se është numri i të vrarëve, por që më së shumti dhemb fakti që çdo ditë atje po humbin jetë njerëzish të pafajshëm, presidenti amerikan Biden është shprehur skeptik në lidhje me numrin e vitktimave që raportojnë autoritetet palestineze.
Biden tha të mërkurën, se “nuk ka besim në numrin që palestinezët po përdorin” për viktimat në Rripin e Gazës, ku Ministria e Shëndetësisë ka njoftuar se më shumë se 6.500 njerëz janë vrarë nga sulmet izraelite.
Biden u pyet gjatë një konference për shtyp në Shtëpinë e Bardhë nëse ai beson se numri i vdekjeve palestineze, i cili përfshin rreth 2,700 fëmijë, do të thotë se Izraeli po injoron thirrjet e SHBA-së për të kufizuar vdekjet e civilëve.
“Nuk kam asnjë besim që palestinezët po thonë të vërtetën se sa njerëz janë vrarë. Jam i sigurt që janë vrarë njerëz të pafajshëm dhe ky është çmimi i luftës”, u përgjigj presidenti amerikan.
“Izraelitët duhet të jenë jashtëzakonisht të kujdesshëm, të sigurohen që të përqendrohen në ndjekjen e njerëzve që po bëjnë këtë luftë kundër Izraelit. Dhe është kundër interesave të tyre kur kjo nuk ndodh ”, shtoi ai. “Por unë nuk i besoj numrit që përdorin palestinezët,” tha Biden, pa specifikuar pse.
Nga ana e tyre, palestinezët hedhin poshtë idenë se numri i të vdekurve në Gaza nuk është i saktë.
Në SHBA, Këshilli për Marrëdhëniet Amerikano-Islamike (CAIR) tha se ishte “thellësisht i shqetësuar” nga komentet e Biden për llogaritjen e Gazës dhe i bëri thirrje atij të kërkonte falje.
“Gazetarët kanë konfirmuar numrin e lartë të vdekjeve dhe video të panumërta që dalin çdo ditë nga Gaza tregojnë trupat e gjymtuar të grave dhe fëmijëve palestinezë,” tha në një deklaratë drejtori ekzekutiv i CAIR, Nihad Awad.
Gjatë konferencës së djeshme për shtyp, Biden akuzoi Hamasin se “fshihet pas civilëve palestinezë” në enklavën me popullsi të dendur, duke shkaktuar “një barrë shtesë për Izraelin ndërsa ai shkon pas Hamasit”.
Biden shtoi: “Izraeli duhet të bëjë gjithçka që mundet, sado e vështirë të jetë, për të mbrojtur civilët e pafajshëm”.
