Analisti Fatos Lubonja i është bashkuar protestës së banorëve të Astirit. Lubonja apeloi qytetarët ti bashkohen kësaj rezistence, pasi siç tha ai projekti i Unazës së Madhe nuk është një problem vetëm i Astirit, por një çështje kombëtare.
“Nuk kam ardhur si gazetar, se detyrën si gazetarë e bëjmë përditë atje, s’kam ardhur as për të denoncuar këtë projekt kriminal se duket sheshit që është i tillë, unë kam ardhur edhe për të materializuar atë që e kam thënë, që kjo nuk është vetëm një çështje e Astirit.
Pastaj e dyta është që të japim kurajo se edhe këtë na japn kurajo neve. Për të sjellë pak kuroja do iu tregoja edhe atë se çfarë bën rezistenca.
Një amerikane mbrojti një pemë që ishte 1 mijë vjecare që një kompani kërkonte ta prishte, nga këta si tonat, dhe kjo hypi në pemë dhe bëri një kasolle, qëndroi dy vjet në pemë dhe pema nuk u shemb, ky shembull është edhe këtu për ju, ato shtëpitë tuaja nuk mund t’i lini të prishen . Po nuk u bashkuam të gjithë bashkë do na hanë një e nga një. Kjo qeveri po shkon nga krimi në krim në mënyrë galopante”, u shpreh Fatos Lubonja.
