I shumëkërkuari i drejtësisë, Ervis Martinaj është zhdukur pa gjurmë që prej 11 gushtit të këtij viti, duke ngritur kështu hipoteza mbi zhdukjen e tij që nga inskenimi deri te vrasja nga kundërshtarët e tij. Pas dëshmisë së Nuredin Dumanit, ka mbajtur në shtëpi një këlysh luani.
Këlyshi i Ervis Martinajt është bërë publik, ku është zbuluar dhe një profil Tik-Toku në emrin e tij i cili numëron plot 12 mijë ndjekës. Gazetari Artan Hoxha, së fundmi publikoi të dhëna në lidhje me komunikimet e fundit të Martinajt me familjen. Sipas Hoxhës dy SMS-të e fundit të tij lidhen me paralajmërimin se do të shkonte policia për kontroll dhe i dyti, që t’i jepnin ushqim luanit që kishte te vila e tij.
Por pse Martinaj mbante një kafshë të tillë?
Duket se kjo ka të bëjë më shumë më një model të bosëve të mëdhenj të biznesit ose të trafikut të drogës, të cilët kanë mbajtur shpesh në banesat e tyre këlyshë luani apo tigri. Kjo për të treguar superioritet dhe më në modë kjo ide është në vendet e Amerikës Latine, ku gëlojnë kartelet e drogës.
Gjithashtu sjellim në kujtesë se edhe El Chappo, numri 1 i trafikut të drogës në botë, mbante këlyshë tigri dhe pas rënies së tij në burg, janë fëmijët që kujdesen për të.
Gazetari Artan Hoxha tha gjithashtu se Martinaj është vrarë pasi u “tradhtua” nga një personazh i njohur i krimit pranë Vorës. Sipas Hoxhës, Martinaj shkoi aty për të lidhur një aleancë kundër grupeve që e kishin vënë në shënjestër, por aty u shit te kundërshtarët dhe u mor nga një skuadër e veshur me uniformën e Forcave Speciale.
Por policia ende nuk ka një version zyrtar në lidhje me çfarë ka ndodhur me Martinaj.
