Ambasadori amerikan i drejtpërdrejtë: Po investojmë miliona dollarë që FBI të trajnojë policët e BKH-së, Ata që do të arrestojnë ” të paprekshmit”
Shtetet e Bashkuara të Amerikës kanë vendosur të investojnë miliona dollarë për të trajnuar policët e njësisë antikorrupsion të Byrosë Kombëtare të Hetimit. Ata do të trajnohen nga FBI. Lajmi është konfirmuar sot nga Ambasadori amerikan Donald Lu.
Ambasadori Donald Lu tha se politika po përpiqet ta përdorë Byronë e Hetimit për arsye politike dhe u kërkoi të bien dakord për miratimine menjëhershëm të këtij institucioni.
“Një njësi e pavarur hetimore për të luftuar korrupsionin dhe krimet e kryera nga zyrtarë të lartë. Ka një propozim që do të jetë pjesë e funksioneve të BKH sipas modeleve të FBI-së amerikanë. Po pse duhet të besojnë shqiptarët që këta policë duhet të jenë përtej ndikimeve të korrupsionit. Sepse SHBA do të investojë. Kemi vënë mënjanë miliona dollarë për të trajnuar policët. Trajnim i tyre do të bëhet nga FBI. Një agjent i FBI do të vendoset në Tiranë”, tha ambasadori amerikan.
Ambasadori amerikan ka folur sot qartë dhe pa diplomaci duke treguar kështu vendosmërine e SHBAve për të çuar para drejtësisë të korruptuarit në nivelet më të larta.
Donlad Lu tha shqip dhe shkoqur: do të arrestohen të gjithë ata që quhen të paprekshmit, “Al Kaponet” shqiptarë.
Deklarata
Kur ishin në universitet Hollywoodi nxorri filmin e titulluar “The untouchables” ose në gjuhën shqipe “Të paprekshmit”. Aktori i famshëm shqiptaro-amerikan Robert De Niro luante rolin e gangsterit Al Capone. Historia zhvillohej mbi njësinë elitare hetimore të quajtur “Të paprekshmit”. Ata nuk ishin quajtur të tillë për shkak se qenë mbi ligjin por sepse ishin të imunizuar prej korrupsionit dhe frikësimit. Në një kohë kur Chicago ishte i mirënjohur për korrupsionin në nivele të larta dhe kontrollin e mafias të ngulitur thellë kjo njësi e pakorruptueshme e pavarur qe në gjendje të arrestonte Al Capone-n e famshme. Kjo është ajo që ne shpresojmë se do të krijohet në Shqipëri. Një njësi e pavarur hetimore për të luftuar korrupsionin dhe krimet e kryera nga zyrtarë të lartë.
Ka një propozim që kjo do të jetë pjesë e funksioneve të byrosë kombëtare të hetimit ose BKH-së, e bërë sipas modelit të FBI-së amerikane. Po pse duhet të besojnë shqiptarët e zakonshëm se këta policë të posaçëm do të jenë përtej ndikimeve dhe korrupsionit? Për shkak se SHBA do të investojnë që ajo të jetë e tillë. Ne kemi vënë mënjëanë miliona dollarë për të paguar pajisjet dhe trajnimet e këtyre policëve, trajnimi i tyre do të zhvillohet në akademinë e FBI-së.
Një agjent i FBI-së do të caktohet në Tiranë për të mbështetur krijimin e kësaj organizate dhe të gjithë policët e BKH-së do të kalojnë përmes testeve të dallimit të gënjeshtrave, njohur ndryshe si testi i poligrafit. Llogaritë e tyre bankare do të mbikqyren për tu siguruar që ata nuk po marrin rryshfet ose që nuk po punojnë për krimin e organizuar.
