Lëvizja Socialiste për Integrim ka dërguar sot kërkesën për regjistrim në Komisionin Qendror të Zgjedhjeve, për zgjedhjet e datës 13 tetor, datë kjo e shpallur nga presidenti Ilir Meta për zhvillimin e zgjedhjeve vendore.
Kujtojmë se sot është afati i fundit për t’u regjistruar në zgjedhjet e 13 Tetorit, ndërkohë LSI është e para që regjistrohet në këto zgjedhje.
Kërkesa për rregjistrim vjen pak ditë pasi, Partia Republikane, Partia Agrare Ambientaliste dhe LSI i ka dërguar një letër Komisionit Qendror të Zgjedhjeve, ku kërkojnë nisjet e përgatitjeve për zgjedhjet lokale të 13 Tetorit.
Ndonëse mbledhja e Komisionit Qendror të Zgjedhjeve dështoi dhe nuk u shqyrtua kërkesa e aleatëve të Lulzim Bashës për zgjedhjet e 13 Tetorit, LSI nuk është dorëzuar.
