Kryeministri Edi Rama ka ndarë ditën e sotme mesazhin e ish-kapiteni i Kombëtares Lorik Cana, i cili ndodhet në shtëpinë e tij në Romë të Italisë dhe po e përjeton atje situatën e krijuar nga koronavirusi.
Në një videomesazh, Cana ka një mesazh për bashkëkombësit ku rendit disa këshilla: Të lajmë duart sa më shumë, të evitojmë vendet e grumbulluara, ata që kanë simptomat e ftohjes të qëndrojnë në shtëpi, për studentët nuk është pushim por përgjegjësi.
“Përshëndetje nga shtëpia ime në Romë. Disa gjëra të vogla për secilin prej nesh. Kemi detyrë të respektojnë sidomos pjesën e higjienës, të lajmë duart, të evitojmë grumbullimet, në gjendje gripale të qëndrojmë në shtëpi. Studentët që janë pushim, nuk janë pushim por kanë një mision përgjegjësie”, shprehet Cana.
Bashkangjitur videos së Lorik Canës, kryeministri Rama shkruan në Instagram: “Mesazh i kapitenit legjendar të kuqezinjve, Lorik Cana. Frikë jo, kujdes po! Dhe ju lutem: Të ruajmë veten dhe njëri-tjetrin duke kufizuar sa më shumë kontaktet fizike! Të lajmë duart sa më shpesh për jo më pak se 20 sekonda! Të kufizojmë daljet dhe uljet nëpër kafene e restorante, vajtjet në palestra, disko e në mjedise të mbyllura me kontakte të shumta! Të mbrohemi me maskën e arsyes nga INFODEMIA – lajmet, kronikat, komentet, debatet që krijojnë konfuzion, pasiguri, shkurajim!
https://www.instagram.com/p/B9jCu1qpVbm/
