Ai mori biçikletën dhe u nis për në ditën e parë të punës…por nuk arriti kurrë sepse vdiq rrugës.
Shqiptari Ardian Zagani u përplas nga një kamion që drejtohej nga një grua mëngjesin e sotëm në rrugën “Camden Holloway” në Londër.
Londinezët nën moton “Stop vrasjes së çiklistëve”, kanë protestuar sot të shtirë në rrugë pranë biçikletave të tyre për të treguar dhimbjen dhe rrezikun që ndiejnë.
Kjo është vdekja e 6 që i ndodh një çiklisti pas aksidenteve automobilistike në rrugët e Londrës.
Zagani do të shkonte të punonte si kujdestar në një kolegj, ndërsa kolegët e që kanë punuar më parë me të e përshkruajnë si njeri të jashtëzakonshëm.
“Nuk mund ta besoj se kjo ka ndodhur. Është e tmerrshme, ai ishte i mrekullueshëm dhe e donin të gjithë. Ai e adhuronte të punonte në kolegj, ishte jeta e tij”, thotë një mik i tij.
