Në Google ajo cilësohet si “vajza e vogël më e bukur në botë”. Është vetëm 10 vjeç dhe ka nënshkruar tashmë dy kontrata të rëndësishme me agjensi modelingu përtej Atlantikut.
Kristina Pimenova, ka bërë shumë sete fotosh për “Vogue Italia”, fushata për Armani kids, Roberto Cavalli Junior apo dhe DSquared2 Kidswear. Ajo ka më shumë se 1.2 milion ndjekës në rrjetet sociale dhe karriera e ruses se vogel duket se vetëm do të shkojë më lart. Sy bojëqielli, flokë të gjatë biondë, siluetë të gjatë dhe fëtyre kukulle, Kristina Pimenova ngjan me një engjëll. Për të flitej që në 2014 falë llogarisë së saj në Instagram që administrohej nga e ëma. Kristina është e bija e një ish-modeleje ruse dhe e një futbollisti. E lindur ne Moskë në 2005, Kristina Pimenova ka filluar karrirën që kur ishte 3 vjeç. Që nga 2014 ajo ka firmosur në dy agjensi me të cilat bashkëpunon LA models dhe New York Models.
Ndërkohë që çështja e “fashionizmit”për para të adoleshentëve dhe të rinjve mbetet shqetësim, vitin e kaluar nëna e Kristinës pati shkaktuar polemika për shkak të fotove të së bijës të publikuara në Instagram. Fotot u cilësuan si shumë provokuese për një fëmijë. Protestat kundër këtyre fotove i bënë jehonë dhe fenomenit të “Lolitave”, i cili si fenomen ka polemika të forta të paktën që prej vitit 2010 kur një revista “Vogue” hodhi për diskutim debatin mbi erotizmin e vajzave te reja. Në moshën 10 vjeç, Kristina pi akoma limonada me shoqet e saj, por edhe lexon tashmë biografitë e Merlin Monro.
Mbetet për të shpresuar që megjithë këto ajo të mos rritet shumë shpejt, të mund të vazhdojë të shkojë në shkollë dhe të ketë endrra fëmijësh.
