Medaljet Olimpiket të Tokio 2020 do të prodhohen nga metali i ricikluar nga telefona të vjetër celularë dhe pajisje të dhuruara nga publiku i përgjithshëm, për t’i dhënë atyre një ndjenjë të drejtpërdrejtë përfshirjeje në Lojëra, sipas organizatorëve.
“Përmes riciklimit, jo vetëm të përdorim dhe të hedhim, por ne mund të limitojmë përdorimin e burimeve të domosdoshme të botës. Mendoj se është një plan i mrekullueshëm,” u shpreh Koji Murofushi, drejtor i sporteve të Tokio 2020.
“Njerëzit mund të kënaqen me ndjenjën se kjo medalje është bërë nga kontributet e të gjithëve ne“, tha Murofushi.
Komiteti organizues i Tokio 2020 shpreson të grumbullojë 8 ton metal – 40 kg ar, 2.920 kg argjend dhe 2.994 kg bronz – nga telefonë të vjetër dhe pajisje të vogla shtëpiake që do të jepen nga njerëz përqark Japonisë.
Kjo përpjekje, e para në llojin e saj në Olimpike, do të rezultojë përfundimisht në 2 ton metal, mjaftueshëm për të prodhuar të 5.000 medaljet e Olimpikeve dhe Paralimpikeve.
