Janë mbyllur në këto momente 6 ndeshjet e Premier Ligë, të vlefshme për xhiron e 25-të në këtë kampionat.
Liverpuli nuk di të ndalet, teksa ka mposhtur me rezultatin e pastër 4-0 Sauthemptonin në shtëpi, duke vazhduar kështu rrugën e qetë drejt titullit kampion, i cili duket më afër se kurrë këtë sezon. Serinë e golave për ekipin e Kontes e hapi Çamberlein, i cili realizoi në minutën e 47’, me një gjuajte të bukur nga larg.
Në minutën e 60’, ishte Henderson që realizoi golin e dytë, për të vazhduar me pas me dopietën e Salah në minutat 72’ dhe 90’. Me këtë fitore Liverpuli shkon në kuotën e 73 pikëve, 18 pikë më shumë se Siti i cili është ndjekësi më i afërt.
Ndërkohë një fitore spektakolare ka marrë Evertoni, teksa ka mposhtur me rezultatin 2-3 Uatfordin me përmbysje. Ndeshja nisi keq për të besuarit e Ançelotit që e panë veten në disavantazhin e dy golave, me Masinën dhe Pereirën që realizuan për vendasit.
Megjithatë miqtë nuk u dorëzuan dhe Jerri Mina realizoi dy herë në minutat e fundit të pjesës së parë për Evertonin.
Gjërat u përkeqësuan për këta të fundit, teksa në minutën e 71’ Delf u ndëshkua me të kuq. Megjithatë ekipi i Ançelotit mblodhi forcat dhe në minutën e 90’ ia doli të shënojë golin e fitores me Uolkot.
Ndërkohë në ndeshjet e tjera, Bërnmuthi mposhti Aston Vilën 2-1, Kristal Palasi u mposht 0-1 nga Shefilldi, Njukastëlli barazoi 0-0 e Noruiçin dhe Uest Hemi barazoi 3-3 me Brajtonin.
/Panoramasport
