Liverpool ka marrë kryesimin e renditjes së Premier League pasi shkatërroi Bournemouth me rezultatin 4-0. Skuadra e Jurgen Klopp ka bërë detyrën ndaj një skuadre që formë të shkëlqyer, duke treguar edhe njëherë se është favorite për titullin kampion. Një paraqitje e shkëlqyer e të gjithë ekipit, në veçanti të Mo Salah i cili ka bërë diferencën me tre golat e tij.
Pas një starti të vakët Liverpool merr lojën në kontroll dhe në minutën e 25’ gjen golin e avantazhit me Mohamed Salah. Sulmuesi i të Kuqve ka shfrytëzuar në maksimum një top që i erdhi në këmbë pasi Begovic priti goditjen e Firmino-s. Aq mjaftoi për pjesën e parë teksa miqtë kanë arritur avantazhin pa harxhuar shumë energji, të cilat duhen për ndeshjen e mesjavës ndaj Napolit. Pak minuta pas pushimit Salah dyfishon rezultatin pas një aksioni personal.
Begovic përsëri ishte i pashpresë. Në minutën e 68’ erdhi goli i nokautit. Pas krosit brenda zonës nga Robertson, Cook e dërgon topin në rrjetën e tij. Shumë i pafat qendërmbrojtësi i Bournemouth. Situata u bë akoma më e turpshme për vendasit kur Salah shënoi tripletën në minutën e 77’. Ai dribloi portierin dhe shënoi me portën e boshatisur.
