Nga Alketa Ipeku
Për një moment do desha vërtetë që Shpëtim Idrizi të ish i financuar nga grekët. Kush më njeh do thotë qenka marrosur kjo.
Sa mirë do ish. Sot ti do ishe në parlamentin shqiptar. Nuk do bëhej gjithë ajo maskaradë për 7, 12, 30 vota; të vlefshme apo të pa vlefshme.
Sot, në parlament ju do ishit zëri ynë, nëse do ishit pjesë e ofertave.
Sot, në parlament do flitej për Çështjen Çame me zë të lartë, do mbahej minuta nderimit për viktimat e pafajshme të genocidit e shumë e shumë të tjera.
Deputetët realë të PDIU-së do ishin brenda atij tempulli fals që prej kohësh duket se e ka humbur legjitimitetin.
Sot, guxojnë dhe ju vendosin emrin në ca letra bakalli.
Kujt i intereson kjo në një kohë të tillë kaq kritike për vendin?!
Gjithkujt “djali plangprishës” që është gati të shesë shpirtin vetëm të dëmtojë PDIU-në.
Çdo shpifje e baltë e hedhur mbi kryetarin e një partie, është një përçapje për baltosjen e shkatërrimin e një partie kombëtare siç është PDIU.
Herë tjetër duhet t’i pyesim të gjithë ata që dinë t’i gjejnë lidhjet me Greqinë se mbase na mundësojnë që në Parlamentin e ardhshëm (urojmë të jetë sa më i afërt) të kemi sa më shumë deputetë çamë të PDIU-së.
Portali anonim i referohet një gazete dhe një portali: https://taulantribe.blogspot.com/2018/10/ja-kush-ka-perfituar-para-nga-greqia-ne.html?spref=fb&fbclid=IwAR0OvLxrPLXd0diSEYJQ8xRJqkdBMWPgMO__AOFeKWRb0l_lwg54b4uSl7c&m=1
Mjafton që çdo shqiptar ta hapë e përkthejë nga greqishtja dhe do të shohë se s’ka asnjë informacion të tillë.
Po kush është: taulantribe.blogspot.com? E di njeri? Po këto media greke që citohen e që nuk i njeh kush i keni hap t’i shihni? Vetëm atëherë do kuptoni sa lehtë na manipulojnë veglat e grekut.
Ne nuk mund ta pranojmë. S’mund të na vërë brirë askush e për asgjë.
