Gazetari i njohur, Artan Hoxha, ka deklaruar se një ndër eksponentët ekstremist grek, Harallamb (Babis) Karathanos, edhe pse e ka të ndaluar të hyjë në Shqipëri, ka tentuar që të hyjë.
Sipas Hoxhës, ekstremisti Harallamb Babis Karathanos me origjinë nga Dropulli, rezulton person ‘non grata’, dhe është pjesë e listës së shpallur nga Ministria e Brendshme shqiptare për shkak të veprimtarive anti-shqiptare.
Karathanos ka shkaktuar tensione edhe në Himarë disa vite më parë, duke e cilësuar edhe këtë zonë si minoritare në funksion të tezës së Vorio-Epirit, si dhe është një ndër organizatorët e ceremonisë mortore pas vrasjes së esktremistit grek Konstandin Katcifas.
Gazetari Artan Hoxha ka treguar se listës me 61 të ndaluar nga Greqia, i janë shtuar edhe 15 të tjerë.
Sipas gazetarit deputeti grek që ishte me Karathanosin dhe shoqëruesi i tij janë lejuar që të hyjnë në Shqipëri.
Ndaj Karathanos drejtësia shqiptare ka një dosje të hapur dhe ai është nën hetim, dhe për shkak të procedurave ai nuk është futur në listën e personave ‘Non Grata’ që në të kundërt nuk do ti lejohej hyrja në Shqipëri për asnjë shkak. Për arsye hetimore në mënyrë që ai të vijë në Shqipëri për tu marrë në pyetje Karathanos është hequr nga lista ‘Non Grata’.
Nga ana tjetër ish deputeti Karathanos ka treguar se nuk e kanë lejuar që të hyjë në Shqipëri.
‘Nuk më lejuan që të hyj në Shqipëri, më thanë se dokumentet e mia nuk janë në rregull’, ka thënë Karathanos.
‘Në planin e masave …1 vjetori i vrasjes është ditën e hënë, por mesa në Greqi janë tre ditë pushim dhe dita e hënë që është festë kombëtare, aktivitetet të zhvillohen të shtunë. Në Bularat ka patur thirrje nacionalist, ultrafashiste. për të marrë pjesë sa më shumë grekë. Agjencitë tona, Policia SHISH, kanë marrë masa për të parandaluar përsëritjen e masave. Në kufi janë vendosur patrulla në brezin e gjelbërt. Vjet nga atje kaluan shumë persona.
Janë dërguar FNSH i fierit Delta në Vlorës dhe FNSH nga tiran. Antiterroiri është aktizuar në të gjithë pikat kufitare. Dy javë më parë janë 15 persona të shpallur ‘non grata’. Vitin e kaluar ishin 61 tashmë janë edhe 15 të tjerë. Në orën 16:00 në Qafë Botë, është regjistrua ka tentuar të hyjë Karathanos, ish deputet i Parlamentit grek. Ndaj tij ka ndjekje penale.
Sivjet ka qenë në një automjet që udhëtonte edhe deputeti Kostandinos Bogdanos dhe shoqëruesi i tij me mbiemër Artilea Arvanitis kanë tentuar të hyjnë në Shqipëri sapo janë parë të tre i ka kthyer mbrapsht. Por nuk ka penguar Kostandinos dhe shoqëruesin e tij.
Ai do të jetë i pranishëm se është deputet që është në pushtet. Karathanos nuk është i shpallur non grata. Nëse do të shpallej non grata nuk do të hynte. Kthimi i tij është bërë vetëm për t’i paraprirë rrezikut’, ka thënë gazetari Hoxha.
Kujtojmë se Karathanos njihet edhe si bashkëpunëtor i afërt me kreun e PBDNJ, Vangjel Dule dhe Vasil Bollanon. Të dy ata janë fotografuar në disa aktivitete të OMONIA-s dhe PBDNJ-së në Greqi me karakter kryesisht antishqiptar dhe me thelb të ashtuquajturin Vorio-Epir.
Më tej Babis-Harallambos Karathanos ka qenë ish-deputet i partisë Demokracia e Re, e më tej i partisë ekstremiste të djathtë greke, LAOS.
