Biznesmeni Nikolin Janina, i njohur edhe si bosi i kompanisë së pllakave “Porcenalosa”, nuk do të ekstradohet në Spanjë, ku është shpallur në kërkim si i përfshirë në një rrjet trafiku narkotikësh.
Gjykata e Apelit e Juridiksionit të Përgjithshëm ka rrëzuar kërkesën e Prokurorisë së Tiranës për lejimin e ekstradimit të tij, duke hequr njëkohësisht edhe masën e sigurisë që ishte në fuqi ndaj Janinës.
Ai u arrestua në Maj të vitit 2022, pasi Interpol Tirana kishte marrë një kartelë të kuqe me emrin e Nikolin Janinës. Gjykata e shkallës së parë Tiranë kishte vendosur më herët që Janina të ekstradohej për në Spanjë, ku duhet të përballet me akuzat e trafikut të narkotikëve.
Por, rreth një vit më pas, në Mars 2023, ai rifitoi plotësisht lirinë, duke shfrytëzuar maksimalisht hapësirat boshe ligjore të shtetit shqiptar.
Arrestimi i parë
Nikolin Janina u arrestua për herë të parë për llogari të autoriteteve spanjolle në Prill të vitit 2016, në bazë të një urdhër kërkimi ndërkombëtar.
Nga permbajtja e dokumentacionit per ekstradim, rezulton se në ngarkim të tij ka një urdhër arresti ndërkombëtar nr. D.P 856/205, të lëshuar nga Gjykata e Shkallës së Parë Porrino Spanjë, për kryerjen e veprës penale “trafikim të narkotikëve”.
Në atë kohë, ndërmjet Shqipërisë dhe Spanjës nuk kishte një marrëveshje ekstradimi në fuqi dhe për këtë arsye shtetasit shqiptarë nuk mund të dërgoheshin drejt autoriteteve spanjolle.
Nga Prokuroria e Përgjithshme dhe Ministria e Drejtësisë iu kërkua autoriteteve spanjolle që të vlerësonin transferimin e dosjes ndaj Nikolin Janinës për shqyrtim në Shqipëri.
Drejtësia spanjolle nuk ishte dakord me transferimin e çështjes në Shqipëri, nën argumentin se veprat penale ishin kryer në territorin spanjoll dhe se hetimi ndaj tij përfshinte edhe të tjerë persona, të arrestuar apo shpallur në kërkim në Spanjë.
Në këto kushte, në mungesë të marrëveshjes së ekstradimit dhe, duke qenë se Spanja refuzoi transferimin e dosjes në Shqipëri, Janina fitoi lirinë.
Arrestimi i dytë
Në Maj të vitit 2022, autoritetet spanjolle aktivizojnë sërish urdhërin e kërkimit ndërkombëtar për Nikolin Janinën. Ai arrestohet në 6 maj dhe nisën sërish procedurat ligjore për dërgimin e tij në Spanjë.
Kësaj radhe kishte një ndryshim. Qeveria shqiptare dhe ajo spanjolle kishin nënshkruar marrëveshjen e ekstradimit dhe, mbi bazën e saj, autoritetet e vendit iberik ri-dërguan kërkesën për biznesmenin Janina.
Gjykata e Tiranës, në Tetor të vitit 2022, vendosi lejimin e ekstradimit të Nikolin Janinës drejt Spanjës.
Çështja mbërrin në Gjykatën e Apelit të Tiranës (aktualisht Gjykata e Apelit të Juridiksionit të Përgjithshëm).
Në ankimin e tyre, avokatët e biznesmenit Janina i kërkuan trupës gjykuese refuzimin e kërkesës së prokurorisë, pasi marrëveshja Shqipëri-Spanjë përjashton nga procedurat personat, për të cilët është kërkuar ekstradimi para hyrjes në fuqi të saj.
Ndërkohë, prokuroria e Apelit kërkoi miratimin e ekstradimit.
Gjykata, në përfundim të shqyrtimit gjyqësor, vendosi refuzimin e ekstradimit.
Në vendimin e zbardhur së fundmi, Gjykata e Apelit e Juridiksionit të Përgjithshëm shprehet se “Nga aktet më sipër, del i qartë fakti se prej vitit 2016 nga autoritetet spanjolle është kërkuar ekstradimi i shtetasit Nikolin Janina, por për shkak se ligji në atë periudhë nuk lejonte ekstradimin e tij si shtetas shqiptar, nuk është proceduar me ekstradimin e tij, por është kërkuar transferim procedimi nga Spanja në Shqipëri”.
Sipas gjykatës, “edhe pas këtij momenti, me miratimin e ligjit Nr.17/2022, përsëri ekziston një pengesë ligjore për pranimin e kërkesës për ekstradim, e parashikuar nga nenin 3 i tij, që ndalon aplikimin e zbatimin e kësaj marrëveshje për kërkesat e ekstradimit të paraqitura para hyrjes në fuqi të saj. Në kushtet kur autoritetet spanjolle kanë kërkuar ekstradimin e shtetasin Nikolin Janina që në vitin 2016, marrëveshja jonë me Spanjën, e ratifikuar në vitin 2022, nuk gjen aplikim në rastin konkret”.
Bazuar në këto argumenta, biznesmeni Nikolin Janina i shpëtoi për herë të dytë ekstradimit nga Shqipëria në drejtim të Spanjës.
Po ashtu, ai rifitoi lirinë, pasi gjykata e Apelit i hoqi edhe masën e sigurisë “arrest në shtëpi”, të cilën e kishte mbi kurriz prej shtatorit 2022.
Biznesmeni Nikolin Janina, i njohur edhe si bosi i kompanisë së pllakave “Porcenalosa”, nuk do të ekstradohet në Spanjë, ku është shpallur në kërkim si i përfshirë në një rrjet trafiku narkotikësh.
Gjykata e Apelit e Juridiksionit të Përgjithshëm ka rrëzuar kërkesën e Prokurorisë së Tiranës për lejimin e ekstradimit të tij, duke hequr njëkohësisht edhe masën e sigurisë që ishte në fuqi ndaj Janinës.
Ai u arrestua në Maj të vitit 2022, pasi Interpol Tirana kishte marrë një kartelë të kuqe me emrin e Nikolin Janinës. Gjykata e shkallës së parë Tiranë kishte vendosur më herët që Janina të ekstradohej për në Spanjë, ku duhet të përballet me akuzat e trafikut të narkotikëve.
Por, rreth një vit më pas, në Mars 2023, ai rifitoi plotësisht lirinë, duke shfrytëzuar maksimalisht hapësirat boshe ligjore të shtetit shqiptar.
Arrestimi i parë
Nikolin Janina u arrestua për herë të parë për llogari të autoriteteve spanjolle në Prill të vitit 2016, në bazë të një urdhër kërkimi ndërkombëtar.
Nga permbajtja e dokumentacionit per ekstradim, rezulton se në ngarkim të tij ka një urdhër arresti ndërkombëtar nr. D.P 856/205, të lëshuar nga Gjykata e Shkallës së Parë Porrino Spanjë, për kryerjen e veprës penale “trafikim të narkotikëve”.
Në atë kohë, ndërmjet Shqipërisë dhe Spanjës nuk kishte një marrëveshje ekstradimi në fuqi dhe për këtë arsye shtetasit shqiptarë nuk mund të dërgoheshin drejt autoriteteve spanjolle.
Nga Prokuroria e Përgjithshme dhe Ministria e Drejtësisë iu kërkua autoriteteve spanjolle që të vlerësonin transferimin e dosjes ndaj Nikolin Janinës për shqyrtim në Shqipëri.
Drejtësia spanjolle nuk ishte dakord me transferimin e çështjes në Shqipëri, nën argumentin se veprat penale ishin kryer në territorin spanjoll dhe se hetimi ndaj tij përfshinte edhe të tjerë persona, të arrestuar apo shpallur në kërkim në Spanjë.
Në këto kushte, në mungesë të marrëveshjes së ekstradimit dhe, duke qenë se Spanja refuzoi transferimin e dosjes në Shqipëri, Janina fitoi lirinë.
Arrestimi i dytë
Në Maj të vitit 2022, autoritetet spanjolle aktivizojnë sërish urdhërin e kërkimit ndërkombëtar për Nikolin Janinën. Ai arrestohet në 6 maj dhe nisën sërish procedurat ligjore për dërgimin e tij në Spanjë.
Kësaj radhe kishte një ndryshim. Qeveria shqiptare dhe ajo spanjolle kishin nënshkruar marrëveshjen e ekstradimit dhe, mbi bazën e saj, autoritetet e vendit iberik ri-dërguan kërkesën për biznesmenin Janina.
Gjykata e Tiranës, në Tetor të vitit 2022, vendosi lejimin e ekstradimit të Nikolin Janinës drejt Spanjës.
Çështja mbërrin në Gjykatën e Apelit të Tiranës (aktualisht Gjykata e Apelit të Juridiksionit të Përgjithshëm).
Në ankimin e tyre, avokatët e biznesmenit Janina i kërkuan trupës gjykuese refuzimin e kërkesës së prokurorisë, pasi marrëveshja Shqipëri-Spanjë përjashton nga procedurat personat, për të cilët është kërkuar ekstradimi para hyrjes në fuqi të saj.
Ndërkohë, prokuroria e Apelit kërkoi miratimin e ekstradimit.
Gjykata, në përfundim të shqyrtimit gjyqësor, vendosi refuzimin e ekstradimit.
Në vendimin e zbardhur së fundmi, Gjykata e Apelit e Juridiksionit të Përgjithshëm shprehet se “Nga aktet më sipër, del i qartë fakti se prej vitit 2016 nga autoritetet spanjolle është kërkuar ekstradimi i shtetasit Nikolin Janina, por për shkak se ligji në atë periudhë nuk lejonte ekstradimin e tij si shtetas shqiptar, nuk është proceduar me ekstradimin e tij, por është kërkuar transferim procedimi nga Spanja në Shqipëri”.
Sipas gjykatës, “edhe pas këtij momenti, me miratimin e ligjit Nr.17/2022, përsëri ekziston një pengesë ligjore për pranimin e kërkesës për ekstradim, e parashikuar nga nenin 3 i tij, që ndalon aplikimin e zbatimin e kësaj marrëveshje për kërkesat e ekstradimit të paraqitura para hyrjes në fuqi të saj. Në kushtet kur autoritetet spanjolle kanë kërkuar ekstradimin e shtetasin Nikolin Janina që në vitin 2016, marrëveshja jonë me Spanjën, e ratifikuar në vitin 2022, nuk gjen aplikim në rastin konkret”.
Bazuar në këto argumenta, biznesmeni Nikolin Janina i shpëtoi për herë të dytë ekstradimit nga Shqipëria në drejtim të Spanjës.
Po ashtu, ai rifitoi lirinë, pasi gjykata e Apelit i hoqi edhe masën e sigurisë “arrest në shtëpi”, të cilën e kishte mbi kurriz prej shtatorit 2022.
