Biznesmeni Edmond Bego është liruar nga burgu grek pasi prej disa ditësh ka qëndruar në një burg të Korfuzit.
Interpol Roma ka bërë të ditur se Edmond Bego nuk ka qenë në kërkim ndërkombëtar, ndryshe nga sa u tha fillimisht.
Në një deklaratë për mediat kreu i grupit parlamentar socialist Taulant Balla pranoi njohjen me Begon, dhe garantoi se ai do të lirohej pasi e ka vuajtur dënimin e tij vite më parë, dhe nuk mund të paragjykohet përjetësisht për një gabim.
Edmond Bego, biznesmen në fushën e ndërtimit është dënuar në Itali me 21 vite burg për trafik droge dhe më pas i është konvertuar dënimin në 4 vite e 4 muaj në Shqipëri, pasi ka përfituar nga disa hapësira ligjore dhe marrëveshje mes dy vendeve.
