Gjykata e Tiranës ka vendosur t’i japë lirinë 10 prej të arrestuarve pas protestës tek parlamenti, ndërsa ka lënë në burg vetëm njërin prej tyre. Bëhet fjalë për Dorjan Protoduarin, i riu që u arrestua tek Spitali i Traumës pak orë pas protestës tek parlamenti.
Trupi gjykues pasi ka dëgjuar prokurorinë dhe të arrestuarit me avokatët e tyre është tërhequr për të marrë vendimin.
Deputetët e opozitës kanë debatuar me policinë pasi kanë tentuar të hyjnë në Gjykatë dhe fillimisht nuk janë lejuar. Por më pas ata kanë hyrë në seancën për masën e sigurisë.
