Një 27 vjeçar nga Shkodra i është arratisur policisë për të dytën herë rradhazi.
Bëhet fjalë për shtetasin Armando Ndreu, nga qyteti i Shkodrës i cili është shpallur në kërkim nga policia për akuzat , “vjedhje” dhe “kundërshtim i punonjësit të policisë”.
27 vjeçari është zhdukur pa asnjë gjurmë nga trageti i linjës Bari -Durrës, ndërsa autoritet prisnin ta arrestonin për akuzat e mësipërme.
Ndreu ishte nisur nga porti i Durrësit mbrëmjen e së enjtes me një biletë për në Bari, dhe nuk është ndaluar nga autoritet e policisë, pavarësisht se ndaj tij kishte një urdhër arresti, dhe ishte i shpallur në kërkim policor.
Sipas burimeve dyshohet që i riu të ketë zbritur nga trageti dhe të jetë larguar nga terminali i ndihmuar nga ndonjë person tjetër.
