Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Ligji për Akademinë e Shkencave/ Artan Fuga: Jemi lënë në baltë. Deri më 28 korrik mund të veprojmë

Nga Ejona 0

Akademiku Artan Fuga nëpërmjet një thirrjeje të hapur publike drejtuar stafeve të universiteteve ka ritheksuar se ligji që kaloi në Kuvend për akademinë e shkencave veç të tjerash cënon në kundërshtim me ligjet në fuqi statusin e profesorit dhe të profesorit të asociuar.
Fuga shprehet se është koha që të veprohet sipas të gjitha të drejtave tona të njohura ligjërisht dhe demokratikisht për të ngritur zërin.
Më tej ai shkruan se këtë betejë do ta vazhdoj, qoftë dhe i vetëm.
Postimi i plotë i Artan Fugës:
Profesorë, prof. të asociuar, doktorë të universiteteve private dhe publike!
Thirrje publike!
Sikurse e kam thirrur publikisht, ligji që kaloi në Kuvend për akademinë e shkencave veç të tjerash cënon në kundërshtim me ligjet në fuqi statusin e profesorit dhe të profesorit të asociuar!
Eshtë koha që ne të veprojmë sipas të gjitha të drejtave tona të njohura ligjërisht dhe demokratikisht për të ngritur zërin dhe vepruar që :
– Të mos degradohet statusi ynë socio-profesional
– Të mos degradohet statusi i universiteteve publike dhe private duke rrënuar stafet e tyre
– Të mos shkatërrohet imazhi i kërkimit shkencor në Universitete dhe të ruhet pavarësia e tij e plotë që disa uzurpatorë të vetëquajtur si “akademikë” duan ta shkatërrojnë!
– Të mos ulet edhe më poshtë vlera e diplomave të universiteteve me forcën e një ligji të bërë edhe kundër teknicienëve dhe specialistëve të arsimit dhe shkencës!
– Të mos bllokohet karriera shkencore e doktorëve dhe kërkuesve të rinj shkencorë!
Unë e di se çfarë duhet dhe mund të bëhet! Pasiviteti dhe gjumi ynë do të jenë të pafalshëm! Nuk është fjala për partitë, as për politikë partiake,por për veten tonë dhe për universitetet shqiptare, për dijen dhe rininë kombëtare!
Kush beson, kush ka sadopak energji, kush ka sedër dhe dinjitet profesional le të më bashkohet! Unë kam një propozim shumë konkret dhe konstruktiv për të gjithë ne!
Jemi lënë në baltë!
Mjafton të më shkruani brenda datës 28 korrik 2019 në inbox të facebook, ose në messenger, dhe jam gati ta ndaj idenë time me cilindo nga ju!
Ju pres!
E drejta juaj për të më lënë vetëm!
Unë do vazhdoj qoftë edhe i vetmuar!
Jo për vete, por për ne!

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej