Një aksident me pasojë vdekjen e një personi ka ndodhur mbrëmjen e djeshme në superstradën Lezhë-Laç.
Si pasojë e aksidentit humbi jetën 74-vjeçari Lek Bela nga fshati Pllanë i Lezhës. Në momentin e përplasjes 74-vjeçari ka qenë duke lëvizur në anë të supestradës, kur është goditur nga një furgon mallrash me targa AA 782 BB që drejtohej nga Ardit Dani 32-vjeç banues në Tiranë.
Policia ka arrestuar drejtuesin e mjetit i cili po merret në pyetje për të zbardhur rrethanat e ngjarjes.
Nga të dhënat e para bëhet me dije se aksidenti ka ndodhur pasi drejtuesi i mjetit po udhëtonte me një shpejtësi tej normave të lejuara.
