Policia e Lezhës njoftoi sot arrestimin e dy personave dhe sekuestrimin e një sasie mallrash kontrabandë. Të arrestuarit janë Alfonc Vuksani 53 vjeç banues në Shkodër dhe Kol Shkrepi 62 vjeç, banues në Lezhë si dhe u shpall në kërkim shtetasi S.Sh, i dyshuar për kryerjen e veprës penale të ”Kontrabandës me mallra që paguhet akcizë”.
Ndërkohë policia e Lezhës, sekuestroi 1470 shishe verë, 6 motorrë për mjete të vogla lundruese, 9 copë monitorë, 21 kg kafe, 9 kasa dritaresh, 1024 copë bluza, pantallona dhe xhaketa, 39 kg rrjetë plastike. Të gjtiha këto mallra kontrabandë. Pas kontrollit të ushtruar nga Autoritetet Doganore u zbulua se mallrat nuk i ishin nënshtruar proçedurave doganore.
