Deputeti Socialist Pjerin Ndreu ka denoncuar mungesën e energjisë elektrike në qytetin e Lezhës. Sipas tij, OSHEE po ndjek një politikë diskriminuese ndaj këtij qyteti.
Ndreu shkruan:
“OSHEE vazhdon politikën diskriminuesë në Lezhë. Përveçse ka lënë zonën në ditët më të zeza ku mjafton një rrëbesh shiu apo një erë e lehtë dhe gjithë zonat e Zadrimës, Toroviceës, Tales, Shënkollit, Zejmenit janë në terr, ka bërë një mish mash në strukturë dhe burime njerëzore! Për t’u mbyllë gojën dhe ca të paditurve që i përkthejnë statuset e mia si ju do fantazia e sëmurë, në shtator filloj si deputet me interpelancë për gjendjen e krijuar. Nuk do ndalem asnjë moment për të demasku këtë maskaradë që luhet në kurrizin e komunitetit të Lezhës. Me 0-investime dhe me katrahurë strukture ku ik ai që punon e vjen ai që s’ben asgjë nuk mund të luhet më! Ftoj qytetarët që të kontribojnë me çdo info që kanë!”
