Sekretari për Marrëdhënie me Jashtë në Lëvizjen Vetëvendosje, Kreshnik Ahmeti në një postim në rrjete sociale ka dhënë më shumë detaje në lidhje me takimin e lidërevë të Kosovës, Albin Kurtit dhe presidentit Hashim Thaçi.
Ahmeti sqaron se gjatë takimit nuk është përmnedur në asnjë moment kufizimi kohor për nominimin e kadidatit/es për Kryeministër, e aq më pak afatin prej 48 orëve.
Ahmeti ka bërë me dije se në mbledhjen e ardhshme të Kryesisë së Vetëvendosjes do të merret një vendim në përputhje me Kushtetutën dhe më pas do t’i dërgohet zyrtarisht me shkrim propozimi Presidentit.
Postimi i plotë:
‘Sot, si Sekretar për Marrëdhënie me Jashtë i Lëvizjes VETËVENDOSJE!, isha pjesëmarrës në takimin e Kryetarit të Lëvizjes VETËVENDOSJE!, z. Albin Kurti, me Presidentin e Republikës së Kosovës.
Mund të them që në asnjë moment Presidenti nuk ka përmendur kufizim kohor për nominimin e kadidatit/es për Kryeministër, e aq më pak afatin prej 48 orëve.
Ky kufizim kohor apo çfarëdo kufizimi i ngjashëm, nuk ka bazë kushtetuese.
Në mbledhjen e ardhshme të Kryesisë sonë do të marrim vendim, në përputhje me Kushtetutën e Republikës së Kosovës, dhe mandej do t’ia dërgojmë zyrtarisht e me shkrim Presidentit propozimin tonë’, ka shkruar Ahmeti.
