Qytetarë, aktivistë, aktorë, artistë i janë bashkuar protestës së zhvilluar këtë të mërkurë para Kryeministrisë, në orën 17:00.
Qytetarët kanë bllokuar tre kryqëzime duke shprehur pakënaqësitë e tyre për rritjen e çmimeve. Ndërkohë gjatë kësaj proteste ka pasur edhe qytetarë të cilët kanë kërkuar të lejohen të kalojnë pasi disa makina janë bllokuar.
“Lejoni disa makina dhe protestoni sërish”, u shpreh qytetari i cili po priste në makinë për të kaluar pasi ishte bllokuar.
Nga ana tjetër, një protestues u shpreh se kjo është një protestë e të gjithë qytetarëve dhe se nuk mund të mbrohet një kauzë duke qëndruar në makinë.
“Shko tek ministresha thuaj përse ke dhënë urdhrin me dalë në këmbë. Nuk mbrohet kauza duket heshtur, duke qëndruan në makinë”, u shpreh qytetari.
