Kryebashkiakët e Rilindjes nuk e lënë një javë të kalojë bosh pa bërë ndonjë të “pabërë”, ndërkohë që nuk është shuar ende e qeshura ndaj shpikjes alla Lefter Alla në Bulqizë, së fundmi ridel në skenë njeriu “i mishit”, Safet Gjici.
Duke synuar të tregojë se po bën shumë investime në Kukës, Gjici krahason qytetin që ai drejton me Gjermaninë.
“Ky investim që është bërë këtu, si është, sikur thonë edhe disa që vijnë nga Gjermania, edhe në Gjermani nuk e gjejnë këtë investim. Nuk dua të them që ne krahasohemi me Gjermaninë, se është krahasim shumë i madh…”,- tha ai.
Gjici u bë i famshëm edhe për deklaratat e tij të bujshme në lidhje me nevojën për të mos konsumuar shumë mish, por edhe për urdhrat u jepte vartësve për të gjetur dëmtuesit e pronës publike në Kukës.
/27.al/
