Kandidati për deputet i PDIU-së në qytetin e Durrësit, Krenar Lasku shprehet se ndihet i privilegjuar me mbështetjen dhe dashurinë e çdo shqiptari për kauzën e Bashkimit Kombëtar.
Në çeljen e fushatës elektorale në Durrës, Lasku tha se PDIU është një parti e madhe me përfaqësi në çdo qendër votimi, ku janë bashkuar shqiptarë të çdo lloj ideologjie, krahine e feje.
“Ne ndjehemi një parti e privilegjuar sepse kemi asetet me të pasura dhe më të shenjta, sepse kemi dashurinë për vendlindjen dhe kemi kauzën e bashkimit shpirtëror kombëtar të të gjtihë shqiptarëve kudo ndodhen. Sepse ne nuk jemi më ajo partia e vogël me pak njerëz që mblidheshim për amanetin e të parëve por sot jemi parti me përfaqësi në çdo qëndër votimi. Ne jemi një parti e madhe ku shqiptarë i çdo krahine besimie apo ideologjie na është bashkuar e po na bashkohet. Ne jemi të ndërgjegjshëm që problemet e shqiptarëve janë më të mëdha se politika grindavece e bipolarizuar prej një çerek shekulli.”-shprehet Lasku.
