Largimi i mjekëve nga Shqipëria, ministri i Shëndetësisë Ilir Beqaj, tha se ky është një shqetësim real, ashtu sikurse ndodh me ikjen e “trurit” nga vendi edhe në fusha të tjera.
Beqaj tha se rezultatet e përmirësimit kanë filluar që me zhbllokimin e specializimeve që kishte frenuar 3 vite më parë të ardhmen e mjekëve, apo edhe përmirësimet në Kodin Penal që e dënonte mjekun me burg për çfarëdolloj gabimi.
Një nga arsyet e largimit të mjekëve janë edhe pagat e ulëta, por për ministrin e Shëndetësisë më 1 mars fillon rritja e pagës me 10%, e nga ana tjetër është dyfishuar shpërblimi i tyre.
Gjatë këtyre 3 viteve, siç tha Beqaj, kanë investuar në infrastrukturë për të përmirësuar edhe kushtet e punës, pajisjen me aparatura, apo dhe përmirësimin e furnizimit me barna.
