Nga Anila Hoxha
Pikërisht pas hetimit ndaj dy të vdekurve dhe daljes për masë sigurie gjatë ditës të dy të pajetëve, Ministria e Drejtësisë hodhi komerdaren për të shpëtuar fytyrën e SPAK.
“Dy ministra dhe kryeprokurori i SPAK do të bashkëbisedojnë me gazetarët për fillimin e aplikimit për rregjimin e ashpër 41 bis”-, fton Ministria e Drejtësisë.
Pas një heshtjeje të kësaj ministrie, e cila nuk foli se përse i mbajti mbi tryezë shtatë emrat e të dënuarve të rrezikshëm për muaj me radhë, propoganda u vu në lëvizje sot.
Në të vërtetë SPAK nuk ka nevojë dhe as nuk mund të pranojë që edhe për ditë të vështira, siç këto të orëve të fundit, të përdoret si dekor. SPAK duhet të mos rrëshqasë në gabime foshnjarake, duhet të formojë distancën dhe autoritetin, veçanërisht ndaj ministrive që vetëofrohen t’i pastrojnë imazhin e lëkundur gjatë këtyre orëve.
Nuk po them që SPAK duhet të izolohet në ishull, por të bisedosh për 41 bis me SPAK-un përkrah, kur si ministër Drejtësie s’ke bërë asgjë prej muajsh, më ngjan sikur me një proces lavatriçeje pretendon që rrobat e ndotura i ke nxjerrë të lara, të hekurosura dhe të palosura.
