Lajme të mira për Juventusin nga infermieria.
Mediat italiane shkruajnë sot se sulmuesi kroat Mario Mandzukic është rekuperuar dhe pritet të jetë në dispozicion të trajnerit Alegri për ndeshjen me Bajern Mynhi.
Për këtë ndeshje pritet të jetë gati edhe Asamoah.
Por, lajmi më i rëndësishëm vjen për Xhorxhio Kielinin.
Në mënyrë surprizë, mbrojtësi mund të jetë gati që të martën.
Ai u dëmtua në ndeshjen kundër Frozinones dhe parashikohej që të kthehej në ekip pas 20 ditësh.
Por, Kielini duket se ka thyer çdo parashikim dhe mund të jetë përballë Bajernit.
